Genital estetik əməliyyatlar – Labioplastika

Genital estetik əməliyyatlar – Labioplastika

Labioplastika — kiçik və böyük cinsiyyət dodaqlarının forma, ölçü və simmetriyasının düzəldilməsi əməliyyatı.

Son illərdə qadınların sağlamlıqla yanaşı estetik rahatlığa da önəm verməsi ilə genital estetik əməliyyatlara, xüsusilə də labioplastikaya maraq artmışdır. Labioplastika – kiçik cinsiyyət dodaqlarının (labia minora) və ya bəzi hallarda böyük dodaqların (labia majora) formasını, ölçüsünü və simmetriyasını düzəltmək məqsədilə aparılan cərrahi əməliyyatdır. Bu əməliyyat yalnız görünüşlə bağlı deyil, həmçinin funksional narahatlıqları da aradan qaldırmaq məqsədi daşıyır. Adətən genital dodaqların normadan böyük və ya asimmetrik olduğu, dar alt paltar geyinərkən, idman zamanı və ya cinsi əlaqə zamanı fiziki diskomfort yarandığı, estetik narahatlıq və özgüvən itkisi olduğu, həmçinin doğuş və ya yaşlanmaya bağlı deformasiyalar mövcud olduğu hallarda icra olunur.

Necə aparılır

Labioplastika minimal invaziv, estetik yönümlü bir prosedurdur və lokal və ya ümumi anesteziya altında aparıla bilər. Əməliyyat ortalama 30–60 dəqiqə çəkir. Texnika olaraq dodaq toxuması ehtiyaca uyğun kəsilir və ya formalaşdırılır, tikişlər isə kosmetik və öz-özünə əriyən saplarla aparılır. Əməliyyat zamanı simmetriya, həssaslıq və funksionallığın qorunması əsas hədəfdir. Lazım gələrsə, labioplastika digər estetik və funksional genital əməliyyatlarla (vaginoplastika, perineoplastika və s.) birlikdə də aparıla bilər.

Hazırlıq

Həkim konsultasiyası zamanı ehtiyaclar və gözləntilər müzakirə olunur və individual planlama edilir. Əməliyyatdan əvvəl ginekoloji müayinə aparılır, zərurət olduqda infeksiyaların istisna edilməsi üçün analizlər verilir. Pasiyent istifadə etdiyi dərmanlar, xüsusilə qanı durulaşdıran preparatlar barədə həkimi məlumatlandırmalıdır. Əməliyyatın menstruasiya dövründən kənar vaxta planlaşdırılması tövsiyə olunur.

Bərpa dövrü

İlk günlərdə şişlik və qızartı müşahidə oluna bilər və adətən 1–2 həftə ərzində azalır. Yüngül ağrılar olur və sadə ağrıkəsicilərlə idarə edilir. Bölgənin təmiz və quru saxlanması, gigiyena qaydalarına riayət olunması mühümdür. Cinsi həyat üçün 4–6 həftə fasilə, idman və ağır fiziki fəaliyyət üçün isə ilk 2–3 həftədə məhdudiyyət tövsiyə olunur.

Tez-tez verilən suallar